Verder Bremeni ka shënuar fitore të rëndësishme për të siguruar kalimin në gjysmëfinale të Kupës së Gjermanisë. Skuadra nga Bremeni ka mposhtur në çerekfinale skuadrën e Regensburgut, që bën gara në kategorinë e dytë të futbollit gjerman.
Golin e vetëm që kishte vlerën e kualifikimit tutje e ka realizuar, Osako në minutën e 52-të. Ylli i Kombëtares së Kosovës, Milot Rashica luajti nga minuta e parë deri në të 73-tën, dhe u vlerësua me notën 6.6 nga uebsajti i njohur ‘SofaScore’.
Verder Bremeni në gjysmëfinale do të ketë punë të vështirë, pasi do të ketë përballë Lajpcigut. Fituesi i kësaj ndeshje në finale përballet me fituesin e takimit Borusia Dortmund – Kiell.