Jose Mourinho nuk është më trajner i skuadrës angleze Tottenham Hotspur.

Trajneri portugez ka humbur punën tek skuadra e madhe angleze pas 17 muajve qëndrim në Londër.

Lajmi për shkarkimin e Mourinhos nga puna te Tottenham Hotspur e kanë raportuar të gjitha mediat e mëdha angleze.

Spurs në tri javët e fundit në Ligën Premier nuk di të fitoj pasi ka dy barazime dhe një humbje.

Mourinho ka dështuar me klubin e tij edhe në Ligën e Evropës, pasi janë eliminuar në 1/8 e finales nga Dinamo Zagreb, përkundër që ishin ndër skuadrat favorite për ta fituar trofeun.

58-vjeçari e morri drejtimin e klubit londinez në nëntor të vitit 2019, derisa deri më tani ka udhëhequr klubin në 86 ndeshje, duke pasur një mesatare të pikëve prej 1,77 për ndeshje.

Mourinho është shkarkuar vetëm 6 ditë para finales së Carabao Cup dhe në vend të tij pritet të emërohet trajneri i RB Leipzig Julian Nagelsmann i cili është edhe më favoriti për këtë post.