Izraeli ka regjistruar tetë raste të një varianti të koronavirusit të identifikuar së pari në Indi dhe beson se vaksina Pfizer/BioNTech është të paktën pjesërisht efektive kundër saj, tha një zyrtar izraelit i shëndetësisë të martën.
Sipas Reuters, shtatë rastet fillestare të variantit indian u zbuluan në Izrael javën e kaluar midis njerëzve që mbërrinin nga jashtë dhe të cilët që atëherë i janë nënshtruar testimit paraprak, tha Ministria e Shëndetësisë.
“Përshtypja është që vaksina Pfizer ka efikasitet kundër saj, megjithëse një efikasitet i reduktuar,”– i tha drejtori i përgjithshëm i ministrisë, Hezi Levy, radios publike Kan, duke thënë se numri i rasteve të variantit në Izrael tani ishte tetë.
Britania dhe Irlanda gjithashtu kanë thënë se po hetojnë variantin pasi e zbuluan atë brenda kufijve të tyre.
Izraeli, popullsia e të cilit është 9.3 milion, ka vaksinuar plotësisht rreth 81% të qytetarëve ose banorëve mbi moshën 16 vjeç. Infeksionet me COVID-19 dhe shtrimet në spital janë në rënie të shpejtë.