Një grup profesionistësh shqiptarë në Britani, Gjermani dhe SHBA në këto ditë të fundit para zgjedhjeve të 25 prillit kanë ndërmarrë një fushatë sensibiliuezese ku i bëjnë thirrje të gjithë shqiptarëve ti drejtohen kutive të votimit.
Në këtë fushatë 10 ditore, #votone25prill, nëpërmjet një serie video mesazhesh i bëjnë thirrje të gjithë Shqiptarëve që kanë mundësi, që të votojnë në zgjedhjet parlamentare të 25 Prillit.
“Duke marrë parasysh rëndësinë e jashtëzakonshme që kanë zgjedhjet, të shqetësuar nga numri i madh në dukje i të pavendosurve, ne duam t’ju bëjmë thirrje të gjithë Shqiptarëve që të marrin pjesë në procesin demokratik të votimit dhe të mos e shesin votën e tyre!”
Anëtarët e diasporës janë duke realizuar video-mesazhe ku bëjnë thirrje për marrjen e përgjegjësisë nga shoqëria shqiptare dhe ushtrimin e të drejtës e detyrës për të votuar. Në hashtagun #votone25prill, do të shpërndahen mesazhe nga personalitete dhe profesionistë shqiptarë në Diasporë , që për arsye të ndryshme nuk mund të jetë në Shqipëri.
“Ne duam të nxisim çdo person që voton për herë të parë, çdo qytetar që nuk ka votuar më parë dhe çdo bashkëkombas që ende është i pavendosur, që të shkojë të votoj në 25 Prill”
Ekipi ynë përbëhet nga njerëz me bindje të ndryshme politike dhe fushata është krejtësisht neutrale. Ftojmë të gjithë Diasporën që të na dërgojnë mesazhet e tyre dhe të postojnë me hashtagun e fushatës. Gjithashtu i bëjmë thirrje bashkëkombasve që ndodhen në Shqipëri që të postojnë në hashtagun në Facebook, Instagram, Twitter e në LinkedIn”.
Diaspora, edhe nga larg, i ndjek me shumë vëmëndje zhvillimet në Shqipëri. Me shpresën që këto do të jenë zgjedhjet e fundit në të cilat diaspora nuk voton, zoti e bekoftë Shqipërinë” shkruhet në deklaratën për shtyp.
Më shumë informacion rreth fushatës mund të gjeni ketu: http://bit.ly/votone25prill
