Pas 11 ditësh pezullim, rregullatorë shëndetësorë amerikanë kanë hequr dorë nga pezullimi i vaksinës Johnson & Johnson, por do ta bëjnë me një etiketë paralajmëruese rreth potencialet për mpiksje jashtëzakonisht të rralla të gjakut.
Vaksina u pezullua pasi 15 marrës të dozës së parë nga 8 milionë që u vaksinuan, vunë re mpiksje të rrezikshme të gjakut.
Këtë javë, rregullatori i ilaçeve në Europë gjithashtu i dha fund kufizimeve të vaksinës J&J.
Rregullatorët europianë këtë muaj gjithashtu lidhën mpiksje të ngjashme, shumë të pazakontë të gjakut me vaksinën AstraZeneca Covid-19, por gjetën se përfitimet e saj tejkalonin çdo rrezik.
Në një deklaratë për shtyp, një zyrtar i Johnson & Johnson tha se vaksina do të shpërndahet në SHBA dhe në Europë duke thënë gjithashtu se mbron nga variantet e reja të koronavirusit.
Vaksina ruhet lehtësisht në temperatura normale të frigoriferit për tre muaj – në krahasim me Moderna dhe Pfizer, të cilat duhet të jenë të ngrira. CDC dhe Administrata Amerikane e Ushqimit dhe Barnave rekomanduan pezullimin e përdorimit të vaksinës pas gjashtë rasteve të mpiksjes së gjakut, pas vaksinimit me Johnson & Johnson në Shtetet e Bashkuara. Deri tani janë raportuar 15 raste dhe 23 viktima.
Në bazë të provave klinike vaksina ofron mbrojtje brenda një jave që nga marrja e dozës. Gjithashtu mbron nga variantet shqetësuese, përfshirë variantin B.1.351 që tani është mbizotërues në Afrikën e Jugut.
Të dhënat e kompanisë kanë treguar se vaksina është 82% efektive kundër variantit afrikan.