Përparimi kundër pandemisë së koronavirusit mbetet “i brishtë” dhe udhëtimet ndërkombëtare duhet të shmangen, paralajmëroi të enjten drejtori i Organizatës Botërore të Shëndetësisë për Evropën, por theksoi se vaksinat e autorizuara funksionojnë kundër variante shqetësuese.
“Tani për tani, përballë një kërcënimi të vazhdueshëm dhe një pasigurie të re, ne duhet të vazhdojmë të tregojmë kujdes dhe të rimendojmë ose të shmangim udhëtimet ndërkombëtare”, – tha Hans Kluge, duke shtuar se “xhepat e transmetimit në rritje” në kontinent mund të përhapen shpejt.
”I ashtuquajturi variant i Indisë, i cili mund të jetë më i transmetueshëm, tani është identifikuar në të paktën 26 nga 53 vendet në rajonin e OBSH-së në Evropë,” -shtoi Kluge, sipas Guardian.
Por, raporti i AFP, ai tha se vaksinat e autorizuara ishin efektive kundër llojit të ri.
“Të gjithë variantet e virusit Covid-19 që janë shfaqur deri më tani i përgjigjen vaksinave të miratuara në dispozicion,” tha Kluge, duke shtuar se të gjitha variantet Covid-19 mund të kontrollohen me të njëjtat masa të shëndetit publik dhe shoqëror të përdorura deri më tani.
Deri më tani vetëm 23% e njerëzve në rajon kanë marrë një dozë vaksine, me vetëm 11% që kanë pasur të dyja dozat, tha Kluge, ndërsa paralajmëroi qytetarët të vazhdojnë të tregojnë kujdes.
“Vaksinat mund të jenë një dritë në fund të tunelit, por ne nuk mund të verbohemi nga kjo dritë,” tha ai.
