Gazetari Mustafa Nano totë se është lajm i mirë vendimi i SHBA-ve për ish-kryeministrin Berisha.

Në studion e emisionit “Të Paekspozuarit”, Nano e cilësoi vendimin vdekje politike e Berishës, ndërsa shtoi se nuk përjashton edhe burgosjen e tij.

“Jam i lumtur që Berisha vdiq politikisht. Dëmi që ai bën nuk është se s’ia bën familjes së vet.

Vendimi për të qëndruar në PD ka penalizuar PD. Basha për shkak të tij nuk merr dot vendime.

Zgjidhja sipas meje është: Berisha ka në dorë ta shndërrojë PD në një Hamas të Shqipërisë.

Ta bëjë antiamerikane dhe ta kthejë garën mes socialsitëve perëndimorë dhe demokratëve antiperëndimorë.

Nuk e përjashtoj që Berishën ta rrasin Brenda”, tha ai.

Nano  tja se Sali Berisha është i vetmi person të cilin ka frikë. Gjatë emisionit ai gjithashtu tregoi se ka marrë kërcënime prej tij dhe se kjo ishte hera e parë që po tregonte diçka të tillë.

Nano: Çani mos e moho që ke frikë nga Berisha. Berisha është i vetmi njeri që kam frikë, kam marrë kërcënime. Hera par që po i them. Çani mos më thuaj që ti nuk ke frikë Berishën?

Çani: Jo fare. Unë kam qenë në një gazetë që e sulmonte dhe kam bërë shkrime në gazetë ndaj tij me emër. Frikë nga ai nuk kam pasur, lere mos e nxirr si gogol tani.

Nano: Berisha është një horr i madh në historinë e këtij vendi dhe fakti që po merret një vendim i tillë nga DASH është vendim i madh. Ai ka qenë një horr, vrasës.

“Mendoj që amerikanët kanë në plan të nisin një fushatë ndërshkimesh këtu duke marrë parasysh që Reforma në Drejtësi po finalizohet.

Në këtë kuptim mund të jetë ky momenti që shpjegon pse pikërisht tani u shpall non grata sepse tani janë krijuar disa institucione që mund ti shërbejnë qëllimit që mund të kenë amerikanët në Shqipëri.

Reforma në Drejtësi mund të mos ketë rëndësi për asnjeri, por për ambasadorin që është këtu ka rëndësi sepse ata e kanë financuar”, vijoi Nano.