Nga kuajt e egër te pyjet shekullore, me siguri do të keni një ditë të paharrueshme në plazh.
Plazhet gjithmonë do të konsiderohen si një peizazh çlodhës për syrin dhe mendjen. Sa përmendet fjala plazh, shumicës prej nesh i shkon mendja tek rëra, uji i kristaltë apo në blu të mbyllur dhe baticat dhe zbaticat.
Megjithatë jo të gjithë plazhet mund të jenë lehtësisht të parashikueshëm, sepse ka disa vija bregdetare në të gjithë botën që “fshehin surpriza edhe poshtë valëve të tyre”.
Plazhi i qelqtë, Kaliforni
Kush mund ta imagjinonte që diçka kaq e bukur mund të vinte nga hedhja e mbeturinave ? Plazhi i Qelqtë pranë Fort Bragg në Kaliforninë Veriore është i mbushur me guralecë qelqi shumëngjyrësh. Kjo pamje e jashtëzakonshme është rezultat i vendndodhjes së plazhit i cili ka shërbyer si një grumbullim mbeturinash për vite me radhë. Plazhi u pastrua përfundimisht, por mjaft plehra – veçanërisht qelqi dhe metali – u morën nga dallgët dhe me kalimin e viteve u shndërruan në copa të lëmuara, si xhevahire.
Hoshizuna no Hama, Japoni
Në pamje të parë, Hoshizuna no Hama në ishullin japonez Iriomote duket një plazh shumë i bukur i mbuluar me rërë të zakonshme. Por nëse e shikoni më nga afër (shumë më nga afër), mund të vini re se kokrrizat e rërës në formë ylli janë, në fakt, ekoskeletet bosh të një organizmi njëqelizor.
Jökulsárlón, Islandë
Islanda është shtëpia e disa plazheve me rërë të zezë, por plazhi në Jökulsárlón është i veccantë pasi është i populluar me copa akulli kristalore që i kanë dhënë pseudonimin “plazhi i diamanteve”. Plazhi ndodhet afër lagunës akullnajore Jökulsárlón.
Plazhi Chandipur, Indi
Nuk ka asgjë të pazakontë në lidhje me rrymat. Natyra e këtij plazhi me batica dhe zbatica e ka bërë atë t’i ngjajë një metafore letrare. Në baticë, uji tërhiqet deri në tre milje brenda Gjirit të Bengalit. Ndërsa uji tërhiqet, ai lë jo vetëm një breg të madh plazhi që mund të ecet, por një shumëllojshmëri të jetës detare.
Plazhi “Singing”, Masaçusets
Plazhi “Singing” në Masaçusets është shtëpia e një fenomeni natyror që njihet me disa emra “rërë fishkëllyese”, “rërë fëshfëritëse”, etj. Edhe teksa vizitorët ecin mbi rërë, ajo do të lëshojë një tingull angullime.
Plazhi me ujë të nxehtë, Zelandë e Re
Plazhi me ujë të nxehtë në Zelandën e Re ndodhet mbi një burim të nxehtë nëntokësor, duke i lejuar plazhistët të gërmojnë në rërë dhe të formojnë llixhat e tyre personale në breg.
Plazhi Papakōlea, Hauai
Si fillim plazhet e Hauait janë të mrekullueshëm. Por Plazhi Papakōlea është shumë më i bukur falë rërës së gjelbër, si pasojë e pranisë së kristaleve, të cilat gjenden në materialin vullkanik të vendit.
Ishulli Assateague, Mariland/Virxhinia.
Nuk është aq e pazakontë të shkosh në një plazh dhe të shohësh një kalorës duke zbritur në breg. Por kur të shkoni në ishullin Assateague, ju mund të keni fatin e mirë të shihni kuaj në plazh – pa kalorës. Ishulli është i famshëm për kuajt tij të egër. Nuk dihet saktësisht se si kuajt arritën në ishull, por një legjendë popullore thotë se ata janë të mbijetuarit e një anijeje të mbytur spanjolle të shekullit XVII.
Plazh i guaskave, Australia
I ngjashëm me Hoshizuna no Hama, plazhi i Guaskave duket se është i mbuluar me rërë standarde (megjithëse e bukur). Dhe ndërsa emri ju jep një tregues mjaft të mirë të natyrës së tij të vërtetë, ajo që përbën bregun bëhet më e dukshme vetëm nëse e shikoni më nga afër. Bregu është i mbuluar guaska që janë me shumicë këtu sepse kripa e lartë e ujit e bën më të lehtë formimin e tyre.
