Sipas një studimi të ri, një e katërta e personave që përdorin ilaçe që kanë përbërës si metotreksat kanë një përgjigje më të dobët imune ndaj vaksinave kundër Covid-19. Studimi mori në shqyrtim çrregullimet që ndodhin kur sistemi imunitar, roli i të cilit normalisht duhet të luftojë sëmundjen nuk reagon siç duhet. Kjo nga ana tjetër shkakton inflamacion, dhimbje dhe ënjtje që ndodhin kur qelizat imune prekin  indet e dëmtuara ose të infektuara.

Të ashtuquajturat sëmundje autoimune  zakonisht trajtohen me ilaçe që zvogëlojnë inflamacionin, përfshirë metotreksat-in. Sipas studiuesve, këto të dhëna theksojnë në mënyrë specifike përgjigjet e pacientëve ndaj vaksinës Pfizer / BioNTech mRNA, duke ekzaminuar antitrupat e prodhuar në secilin pacient, raporton abcnews.al

Niveli më i ulët i antitrupave për shkak të ilaçit  metotreksat nuk do të thotë domosdoshmërish se këta pacientë nuk janë të mbrojtur nga COVID-19.

“Është shumë e rëndësishme të theksojmë se pacientët nuk duhet të alarmohen nga të dhënat e studimit tonë, pasi shumica e personave me çrregullime të sistemit imunitar reagojnë mirë ndaj vaksinave të ARN-së.  Ekziston gjithashtu mundësia që metotreksat-i të mos të japë efektin e duhur në kohë sesa të japë një përgjigje të përshtatshme imune kundër COVID-19 ”, tha një nga  autoret e studimit,  Rebecca Haberman.

Studiuesit e dinë se njerëzit me artrit reumatoid që marrin metotreksat  nuk janë plotësisht të mbrojtur  ndaj vaksinave të gripit sezonal. Pra, sepse vaksinat e ARN-së përdorin një mekanizëm të ri të veprimit që këta pacientë nuk e kanë parë kurrë më parë, studiuesit kërkojnë të zbulojnë se sa të mbrojtur janë, raporton abcnews.al

Studimi u zhvillua në Universitetet Langone dhe Friedrich-Alexander në Nuremberg dhe përfshiu njerëz të shëndetshëm dhe pacientë me çrregullime të zakonshme të sistemit imunitar të tilla si artriti reumatoid, artriti psoriatik dhe psoriaza. Pjesëmarrësit e studimit morën dy doza të vaksinës Pfizer / BioNTech dhe studiuesit analizuan mostrat e gjakut për të përcaktuar sasinë e antitrupave të prodhuar nga pacientët pas vaksinimit dhe për të matur aktivizimin e qelizave të rëndësishme imune, të tilla si qelizat T CD8, të cilat prodhohen  si pjesë e përgjigjes imune të trupit.

Më shumë se 90% e pjesëmarrësve të shëndetshëm dhe pacientëve që kurohen me  ilaçe anti-inflamatore jo-metotreksat në të dy grupet e SHBA-së  dhe Gjermanisë prodhuan më shumë antitrupa, raporton abcnews.al

Në mënyrë të ngjashme, ndërsa pjesëmarrësit e shëndetshëm dhe ata me çrregullime të zakonshme imune që marrin ilaçe anti-inflamatore por jo metotreksat prodhuan qeliza CD8 T, pacientët që merrnin metotreksat nuk treguan një rritje në aktivizimin e qelizave CD8 T pas vaksinimit.

“Nevojiten më shumë kërkime për të kuptuar pse një pjesë e njerëzve me çrregullime të zakonshme të sistemit imunitar që marrin metotreksat kanë mungesë të prodhimit të antitrupave.

Kjo nuk do të thotë domosdoshmërish se vaksina nuk është efektive, por që duhen studiuar strategji alternative të vaksinës, tha Jose U. Scher njëri prej studiuesve.