Mbrojtësi i kombëtares shqiptare Marash Kumbulla, në një intervitë të dhënë për Goal.com ka folur për ardhjen e tekniku portugez Jose Mourinho tek ekipi i Romës.

“Ende nuk mund ta besoj. Eshte një ëndërr të stërvitesh nga Mourinho dhe do të jetë një arsye më shumë për t’u përmirësuar dhe rritur. Unë nuk kam biseduar me të ende, por e di që do ta bëj kur ai të arrijë tek Roma dhe do të jetë një përvojë e pabesueshme. Gjëja më e rëndësishme që Mourinho do t’i sjellë Romës mentalitet fitues. Të gjithë e dinë se ai ka fituar diçka në çdo skuadër që ka drejtuar. Do të mësoj shumë gjëra taktike dhe teknike prej tij, por gjëja më e rëndësishme është mentaliteti fitues”, u shpreh qëndërmbrojtësi.

Në vijim Kumbulla foli dhe për sfidën e së shtunës ku kombëtarja shqiptare do të luajë një miqësore me skuadrën e Uellsit.

“Uellsi ka shumë lojtarë të talentuar dhe është një ndeshje që do të na ndihmojë që Shqipëria të rritet.

Bale? Unë jam gati të përballem me të. Ai është një lojtar shumë i talentuar dhe unë jam shumë krenar që luaj kundër tij. Do të përpiqem të bëj më të mirën time. Unë jam gjithmonë shumë i motivuar për të luajtur kundër kampionëve të mëdhenj sepse kjo më ndihmon të grumbulloj më shumë përvojë”, tha Kumbulla.

Gjithashtu, ai komenti dhe përballjet më të vështira që ka pasur me sulmuesit e Serisë si dhe nuk e fsheu dëshirën se cila kombëtare do të dojë që të fitojë kampionatin europoian.

“Për mua Dybala dhe Lukaku ishin kundërshtarët më të vështirë për të luajtur kundër.

Në Kampionatin Evropian do të shikoj të gjithë shokët e mi të skuadrës dhe do t’i brohoras. Nuk e di kush do të fitojë sepse ka shumë ekipe të forta, por shpresoj Italia ta fitojë sepse është si kombi im i dytë”, përfundoi Kumbulla.