Qyteti i Shkodrës është tronditur një natë më parë nga një krim i rëndë në familje, pasi Fabian Vuka, 55 vjeç ka ekzekutuar me armë zjarri me silenciator motrën e tij, Diana Vukaj, 58 vjeç dhe prej tre ditësh e mbante kufomën në banesë. Mësohet se alarmin për zhdukjen e gruas e kanë dhënë fqinjët e saj tre ditë më parë dhe rrjedhimisht policia ka nisur kërkimet.
Dhe pikërisht mbrëmë, rreth orës 22:30, gruaja u gjet e vdekur në banesën ku jetonte Fabian Vuka, e e shtrirë në shtratin e dhomës së gjumit. Në pranga është vënë vëllai i viktimës, i cili është gjetur i rrethuar nga dhjetëra shishe birre, të cilat i konsumonte prej ditësh, pranë motrës së tij të vdekur.
Diana Vuka jetonte prej shumë vitesh në Gjermani dhe në Shqipëri vinte herë pas here për të parë të vëllanë që jetonte në lagjen “3 Dëshmorët” në Shkodër. Fabian Vuka ishte një person i varur nga alkooli dhe paraprakisht është raportuar se motër e vëlla kishin konflikte për këtë arsye.
Nuk dihet edhe nëse para vrasjes, debate ka nisur për të njëjtën çështje. Tashmë Fabian Vuka është vënë në pranga dhe pritet të merret në pyetje. Ndërsa sot, pritet të zbardhen detaje mbi ekspertizën mjeko-ligjore të cilës i është nënshtruar viktima.
Shefi i komisariatit të policisë Shkodër Paulin Çupi jep detaje nga ngjarja e rëndë, ku vëllai Fabjan Vukaj ka varë motrën e tij Diana Vukaj. Ai thotë se viktima është gjetur në shtëpinë e saj në krevat. Diana Vukaj ishte emigrante në Gjermani dhe kishte 3-4 ditë që ishte kthyer.
“Marr një telefonatë që Diana Vukaj ka humbur kontaktet me familjarët dhe të afërmit. Në vlerësim të telefonatën kemi organizuar policinë kemi verifikuar në shtëpinë e saj ku është gjetur e pajetë Vukaj. Kemi bërë kontrolle dhe përreth ambienteve të shtëpisë është kapur dhe ndaluar vëllai i saj. Mendohet që kemi të bëjmë me një krim brenda familjes ngjarja është e rëndë. Diana Vukaj është emigrante në Gjermani dhe është kthyer para 3 ose 4 ditësh. Vrasja është kryer me armë zjarri, janë siguruar prova. Kufoma ishte brenda në banesë në dhomën e gjumit të saj. Autori i dyshuar është në kushte depresioni dhe në gjendje të alkoolit. Do sqarojmë rrethanat”, tha ai.