Prej disa ditësh tashmë, rrjetet sociale dhe televizionet në Shqipëri, kanë nisur një debat i cili ka në fokus kërkesën e komunitetit LGBTIQ, në Mbretërinë e Bashkur, mbi zëvendësimin e fjalës nënë me prind.
Edhe pse kjo kërkesë është bërë rreth 2 500 km, larg Shqipërisë, impakti ka qenë mjaft i madh, me një përfshirje të gjerë, me shumë personazheve të njohur nga fusha të ndryshme, për të dhënë mendimin e tyre pro dhe kundër.
Gjithashtu, në këtë debat, nuk kanë munguar edhe regimet e komunitetit LGBT në shqipëri, të cilët kanë deklaruar se nuk kanë pasur dhe nuk kanë ndërmend të ndërmarrin një nisëm të tillë në Shqipëri.
Në lidhje me situatën, Komisioneri për Mbrojtjen nga Diskriminimi, ka reaguar me një deklaratë , ku vendos theksin tek kujdesi i denigrimit dhe stigmatizimit të komunitetit LGBT në këtë debat publik.
Një nga personazhet më aktiv nga komuniteti LGBT, ka qene biznesmeni Elton Ilirjani, i cili është kujdesur të qetësojë debatin në rrjetet sociale dhe te debatoje me personazhet publik që po nxisin urrejtje, me qëndrimet e tyre mbi këtë çështje.
Redaksia e “alb-network” ,ka kontaktuar me biznesmenin Ilirjani, për të mësuar më shumë në lidhje me hapat që do të ndërmarri në vijim mbi këtë çështje .
“Ky debat duket se s’ka të mbaruar. Shumë njerëz që janë personazhe publik, çka do të thotë, se ata duhet të jenë një hap përpara masës, po veprojnë në të kundër. Duke treguar mendjelehtësi dhe gjuhë diskriminuese kundrejt komunitetit, i cili, nuk ka asnjë pretendim të tillë deri më sot. Ajo që më shqetësoj ditën e sotme ishte monologu i aktorit, Bes Kallaku tek spektakli i humorit Kosherja. Mendoj se humori i tije edhe pse i kujdesshëm me terminologjinë, duhet të ishte më shumë pro zbutjes së situatës se sa të tallej me komunitetin LGBT”, përfundoi Ilirjani.
Gjithashtu ai u ndal edhe tek institucionet e huaja që veprojnë në Shqipëri, nga ambasadat e deri tek organizatat ndërkombëtare, që do të vihen në dijeni me prova dhe fakte, për situatën aspak të këndshme që po kalon komuniteti LGBT në vend.
“Shumë shpejtë do të publikojmë një letër të përpiluar nga avokatët e organizatës që unë përfaqësoj “Dignity.Global”, ku do i kërkojmë personazheve kryesor, përfshi këtu individ, portale dhe televizione, që kanë përdorur gjuhë urrejtje kundrejt komunitetit LGBT. Të kërkojnë falje publike për këtë denigrim që na është bërë përpara shqiptarëve si një gjyq publik që ngjason me taktikat e periudhës komuniste.
Nëse nuk ndodh një gjë e tillë, do i kërkojmë institucioneve përkatëse, që kanë për detyre që të mbrojnë, liritë dhe të drejtat e njeriut, që të vendosin drejtësi duke i shpallur si persona të rrezikshëm për shoqërinë dhe “non grata” për vëndet perëndimore. Gjithashtu kjo letër do i shkojë : Ambasadës Amerikane, Ambasadës Angleze, Ambasadës Europiane,Këshillit të Europës,UN,disa organizatave ndërkombëtare dhe DASH. Gjithashtu shume shpejtë do të nisim procese gjyqësore me disa personazhe të njohur për qëndrimet e tyre homofobike” u shpreh biznesmeni.
Ndërkohë që ky debat ka disa ditë që zhvillohet në rrjetet sociale dhe në media, Avokati i Popullit, nuk ka bërë asnjë lëvizje për të qetësuar situatën.
