Detaje të reja kanë dalë nga krimi që tronditi Greqinë, ku një 20-vjeçare e quajtur Caroline, mbeti i vdekur pas një grabitje në banesën ku jetonte me bashkëshortin dhe foshnjën 11 muajshe.

Babis Anagnostopoulos bashkëshorti i të ndjerës Caroline është thirrur sërish në prokurorinë greke, ku pritet të pyet lidhur me disa detaje të reja që janë zbuluar nga hetuesit.

Ai ishte në Alonissos tek memoriali i Carolinës, ku disa oficerë të policisë i kërkuan që të shkonte me ta.

Sipas mediave greke një element kryesor që po hedh dritë për vdekjen e Caroline, është një orë biometrike që ajo mbante në dorë. Pikërisht kjo orë inteligjente ka regjistruar ngritjet dhe ulje e vazhdueshme të pulsit dhe më pas ndalimin total. Po ashtu është regjistruar edhe koha e saktë e vdekjes së nënës së re.

Ekziston një devijim në kohë nga dëshmia origjinale e dhënë nga Babis dhe për këtë ai do të duhet të bisedojë përsëri me oficerët që po hetojnë vrasjen. Në të njëjtën kohë, kamera në shtëpi thuhet se ka regjistruar detajet e fundit para natës fatale. Në këto fotografi që policia ka në dispozicion, shihet se Babis është shtrirë në divan në katin përdhes dhe mban foshnjën në krahë.

Karta e kujtesës duket se është hequr nga regjistri në një kohë që nuk përkon me krimin. Por kjo gjithashtu duhet të sqarohet, pasi orët e regjistruesve kanë një kohë ndryshe nga ajo reale. Tashmë Babis duhet të japë shpjegime të tjera lidhur me ngjarjen që tronditi opinionin publik.