Aktori dhe producenti i njohur Jackie Chan ka deklaruar se dëshiron t’i bashkohet Partisë Komuniste të Kinës.

Gazeta “South China Morning Post” ka shkruar duke cituar deklaratat e bëra nga aktori gjatë një aktiviteti të organizuar nga Shoqata e Filmit Kinez.

“I kam zili pjesëtarët e Partisë Komuniste të Kinës. Besoj se Partia Komuniste Kineze është e mrekullueshme, sepse çdo gjë që ajo premton, e realizon me patjetër.

Unë do të doja të bëhesha anëtar i PKK (Partisë Komuniste të Kinës),” ka thënë aktori sipas gazetës.