Media serbe “Blic” ka bërë një analizë të takimit të shkuar dhe atij që pritet të ndodhë mes kryeministrit të Kosovës, Albin Kurti dhe presidentit të tyre, Aleksandër Vuçiç. “Blic” ka analizuar arsyet se përse nga takimit që po zhvillohen në Bruksel nuk pritet që të ketë zgjidhje. Arsyeja është mjaft e thjeshtë: zgjedhjet!
“A ka ndonjë mundësi për të shkuar para në dialogun për Kosovën deri në fund të vitit? Ka një faktor përcaktues në interesin e të dyja palëve,“-shkruhet ndër të tjera në artikull.
Ndërkohë që më tej në artikull shkruhet se takimi i fundit, i cilësuar nga palët si më i keqi deri më tani, do të përsëritet. Po ashtu nuk duket asnjë marrëveshje në horizont dhe nuk pritet të ketë deri në fund të këtij viti për shkak të zgjedhjeve që presin Prishtinën, më 17 tetor, por edhe Serbinë.
