Varianti më i përhapur dhe ngjitës, Delta tashmë përbën rreth 97% të infektimeve të reja me Covid-19 në Gjermani.
Sipas Institutit Robert Koch, 3,448 raste të tjera me koronavirus u shënuan në 24 orët e fundit, duke treguar se numërimi i rasteve ishte përsëri në një trend rritës. Autoritetet shëndetësore regjistruan mbi 3,000 infeksione të reja për ditën e tretë me radhë, për herë të parë që nga qershori.
Rastet e reja janë rritur veçanërisht tek adoleshentët dhe të rinjtë, sipas institutit. Deri të Premten, kishte 29,900 raste aktive të COVID-19 në të gjithë vendin.
Gjermania ka rritur fushatën e saj të vaksinimit kohët e fundit dhe ka arritur përparim të rëndësishëm në vaksinimin e plotë të një përqindje të lartë të popullsisë së saj kundër COVID-19.
Deri të enjten, gati 45 milion njerëz në Gjermani – 54.1 % e popullsisë, u vaksinuan plotësisht kundër virusit, ndërsa më shumë se 51.8 milion njerëz – 62.2 % e popullsisë, kanë marrë të paktën një dozë.