Një tornado e fuqishme ka përfshirë qytetin gjerman të Kielit ku ka shkaktuar disa dëme materiale.

Sipas mediave të huaja, brigada e zjarrit në Kiel mbrëmjen e së mërkurës njoftoi se shtatë persona u plagosën, katër prej tyre në gjendje të rëndë rëndë. Shërbimet e urgjencës gjithashtu u kujdesën për disa persona të plagosur lehtë.

Disa video qarkulluan në Twitter duke treguar erën e fortë mbi një nga rrugët buzë lumit të qytetit. Pati gjithashtu dëme në zonën e zhvillimit Kiel-Meimersdorf. Pllakat e çatisë u shqyen gjithashtu në Kiel-Gaarden.

Shërbimi gjerman i motit kishte lëshuar më parë një paralajmërim të rëndë të motit për Schleswig-Holstein. Goditje të ngjashme me uraganin deri në 110 km/orë mund të priten në bregdetin e Detit të Veriut. Edhe në Detin Baltik dhe në brendësi mund të ketë shpërthime deri në 80 km/orë gjatë natës.