Policia braziliane është vënë në kërkim të modeles, Jennifer Rovero, pasi dyshohet se drejtonte një kartel vrasësish dhe droge.

Sipas mediave të huaja, Jennifer Rovero, një influencuese fitnesi, e cila ndiqet nga 17,200 ndjekës në Instagram, thuhet se drejtonte organizatën e trafikimit të qenieve njerëzore në Paranagua dhe Matinhos të shtetin Brazilian.

Sipas Policisë Civile të Paranës (PCPR), banda e Roveros ka qenë e lidhur me një numër vrasjesh në zonë, të gjitha këto të ndodhura gjatë vitit të kaluar. Mediat lokale raportojnë se banda përbëhet nga 21 anëtarë, 17 prej të cilëve tani janë prapa hekurave dhe e kanë braktisur modelen ndërsa tre të tjerë janë ende në kërkim. Të 17-të u arrestuan nga PCPR të enjten e kaluar më 21 tetor.

“Ne kemi parë një rritje të numrit të vrasjeve këtu në zonën e Paranagua të bregdetit që nga fillimi i vitit.”- tha hetuesi i lartë i policisë, Rodrigo Brown.

Në ‘gjuetinë’ e tyre për Roveron dhe bandën e tyre, policia lëshoi 44 urdhra kërkimi. Ata konfiskuan gjithashtu një sasi marramendëse kontrabande nga pronat e bandës, duke përfshirë 800 g kokainë, 1.8 kg marihuanë, 4.4 kg heroinë, shtatë armë zjarri, tetë telefona celularë dhe më shumë se 35,000 $ para të gatshme. Policia ka konfiskuar edhe disa makina luksoze dhe apartamente luksoze të lidhura me bandën.

Hetimet vazhdojnë dhe deri më tani nuk ka asnjë informacion për vendndodhjen e të dyshuarës.