Kryeministri Edi Rama ndodhet në Skoci, në kuadër të konferencës së OKB mbi ndryshimet klimatike. Në Glasgow, kryeministri Edi Rama është pritur nga homologu Britanisë së Madhe, Boris Johnson.

Në një video të shpërndarë nga kryeministri, shihet se Rama dhe Johnson takohen miqësisht dhe zhvillojnë një bisedë të shkurtër mes tyre.

“Glasgow, Skoci – Në konferencën e OKB mbi ndryshimet klimatike COP26, pritur nga Boris Johnson, Kryeministri i Mbretërisë së Bashkuar” shkruan Rama.

Në këtë Samit dyjavor pritet që të merren vendime të rëndësishme në lidhje me emetimin e gazrave e cila do të sjellë ndryshime të mëdha në botë.