Prej ditës së djeshme flamujt shqiptarë ndër të tjera valëviten në Beograd, por jo të gjithë kanë mbijetuar në vendet ku janë vendosur.
Gjatë mbrëmjes së djeshme  janë filmuar  disa  të rinj serbë, duke hequr flamurin shqiptar, i cili qëndronte bashkë me flamurin serb në një nga flamujt e kryeqytetit.

“Hiqeni, hiqeni dhe tani ikni”, bërtet njëri nga të rinjtë, ndërsa të tjerët thërrasin “Ajo, ajo!”

Nuk dihet se çfarë ndodhi më pas me flamurin, por në rrjetet sociale mund të shihni ato që përfunduan të nëpërkëmbur, si në këtë video që kemi publikuar.
Megjithate, flamuri serb, shqiptar dhe ai i Maqedonisë së Veriut janë vendosur në shtizë me rastin e takimit “Ballkani i Hapur” i cili do  të mbahet në Beograd më 3 dhe 4 nëntor, ku  përbëhet nga delegacionet e këtyre tre vendeve.

Ndryshe, flamujt e Malit të Zi po valojnë edhe në Beograd, me rastin e vizitës së nesërme të kryeministrit të atij vendi, Zdravko Krivokapiq. Ai do të jetë mysafir i Beogradit, siç është paralajmëruar, më 2 dhe 3 nëntor.