Gjyshja e vajzës 6-vjeçare e cila u dhunua brutalisht nga babai i saj ka rrëfyer versionin e saj mbi ngjarjen.
Duke folur në emisionin “Me zemër të hapur” në “News 24”, gjyshja tha se i ka parë materialet mbi dhunimin e vajzës dhe janë çnjerëzore, por shtoi se nuk beson që ato dëmtime të jenë shkaktuar nga djali i saj.
Ndër të tjera ajo rrëfeu se është interesuar vazhdimisht për vajzën dhe ka kërkuar ta takojë, por nuk është lejuar nga të afërm të nuses në spital.
RRËFIMI
Ndarja dhe padia e nuses
Ajo kishte bërë denoncim në Lezhë, djali ishte me punë në Shkodër, që e ka dhunuar, ka tentuar për ti marrë vajzës. Vetëm kur ka ardhur fleta e gjyqit. Djali doli i pafajshëm. Kemi shkuar bashkë në gjyq, ata janë futur brenda, ne kemi ndenjur pas dere. Doli djali i pafajshëm.
Akuzohej që do rrëmbente vajzën ndërkohë që nuk e kishte takuar. Pas 1 viti apo dy vjetësh kanë ardhur me shoqatën e Shkodrës deri të shtëpia. Na pyetën për djalin, i thamë është në punë, edhe i tha burri gjejeni vetë ku është në punë, merrni masa. I thashë për ca e doni, tha ajo e shoqatës do që ti lëshoj një letër që të lëvizi vajza në çdo shtet. E pyeti ajo e shoqatës përse e bërë padinë, tha e bëra që të merrja fond nga shoqata.
Materialet dhe fotot i ke parë? Dëshminë e vajzës, çfarë mendon?
Nuk kam ca mendoj, ajo është e pasaktë, për mendimin tim. Por e mjera ai fëmijë që e përjeton.
Çfarë mendon për dhunimin e mbesës?
Përveç se i ka rënë me brryl, nuk ma do mendja të këtë bërë tërë ato dëmtime. Duhet të jetë kafshë ta bëjë atë.
I ke parë fotot, dhuna është çnjerëzore?
Çnjerëzore është. Nuk besoj se e ka bërë djali jonë atë pune. Verifikoheni njëherë. Ka pohuar që e ka rrah. Unë nuk e di, unë kam qenë në shtëpinë time, unë gjykoj për aq sa e njoh djalin tënd.
Nëna ka pohuar që ju e telefononi vazhdimisht që nusja të tërheqë denoncimin, dhe nuk jeni interesuar për mbesën?
Jemi interesuar. Ka marrë djali në telefon dhe na ka thënë e kemi vajzën të sëmurë. Mbrapa kam komunikuar me nusen, tha vajza është me helmim dhe i kanë dalë rruazat e bardha…E kam marrë shpesh duke e pyetur për vajzën, nëse kontrollohen telefonat dëftohen të tëra thirrjet. Kam komunkuar me nusen edhe më tha vajzën e kam në gjendje të rëndë dhe ka nevojë për gjak. Po i thashë, nëse kombinon gjaku me gjakë do të vijmë. Nëse bën edhe unë jap gjak. Kemi shitur lopën, jemi nisur për Tiranë. Në komisariat kemi pyetur për djalin, po na thanë këtu ndodhet.
Në atë moment ka qenë edhe nusja në komisariat?
Po ka qenë edhe nusja, kur e merrja në telefon më thoshte jam e zënë. Po shkojmë në grup për në spital te vajza. Kur doli, doli psikologia dhe tha nuk ka mundësi ta takosh sot vajzën se është në gjendje të rëndë. Nusja tha prisni se po shkojmë të tërë bashkë dhe do ta takojmë vajzën. Shkuam për ta takuar, te dera e spitalit doli motra edhe tha nuk dua të flas me ju, edhe nuk na lanë të shikonim vajzën. Jemi sjellë rrotull spitalit, pastaj u nisëm për në shtëpi.
Kush e ka bërë dhunën?
Është shteti më i fortë se unë. Ai e din.
Keni dyshime mbi dikë?
Jo nuk kam si me pasë dyshime. Unë vajzën një herë e kam parë këtu në shtëpinë time.