Kreu i kujdesit intensiv të spitalit Cattinara në Trieste, Umberto Lucangelo përshkroi situatën e vështirë me të cilën po përballet institucioni i tij shëndetësor. Mediat e huaja shkruajnë se sipas Umberto spitalet po e përjetojnë kthimin në ditët e errëta të pandemisë pas rritjes së numrit të rasteve dhe hospitalizimeve.

I intervistuar nga ‘Corriere della Sera’, mjeku Umberto Lucangelo shpjegoi se çfarë po ndodh në Trieste, ku infeksionet po përjetojnë një rritje dhe ka kaluar 500 raste për 100,000 banorë. Ai tregoi se kujdesi gjysëm intensiv është plot me njerëz që presin të vendosen dhe reanimacioni ka 11 vende të zëna. Nëse tejkalojnë 18, theksoi ai, do të duhet të zvogëlohen ndërhyrjet e planifikuara.

“Situata do të përkeqësohet. Rritja e shpejtë dhe e rëndësishme e rezultateve pozitive po derdhet në departamente dhe po na vë në telashe. I rikthehemi vendosjes së forcave të valës së dytë me rrethanë rënduese që nuk ka izolim sepse qyteti funksionon, jeta rrjedh ashtu siç duhet dhe njerëzit lëndohen, ka infarkt, goditje në tru, aksidente,”– tha ai.

Në fund Umberto Lucangelo paralajmëroi se “duhet të jemi shumë të kujdesshëm për ekuilibrin sepse nëse biem bëhet e vështirë”.