Dy pacientë vdiqën dhe një infermiere u plagos kur një zjarr shpërtheu në një spital COVID-19 në qytetin qendror rumun të Ploiesti. Mediat e huaja raportojnë se në spital gjendeshin më shumë se 17,400 pacientë me COVID-19, përfshirë 310 fëmijë, që po trajtoheshin në njësitë e kujdesit intensiv.
Zjarri, i cili u shua shpejt, shpërtheu rreth orës 02:00 të mëngjesit dhe përfshiu vetëm një dhomë. Pesëmbëdhjetë pacientë u transferuan në krah në një spital tjetër. Dy prej pacientëve humbën jetën dhe një infermiere ka pësuar plagë të rënda nga flakët e zjarrit.
Kjo nuk është hera e parë kur një spital në Rumani përfshitet nga flakët pasi në tetor, një zjarr vrau shtatë persona në njësinë e kujdesit intensiv të një spitali në qytetin lindor të Konstancës. Zyrtarët kanë filluar të inspektojnë rregullisht linjat e oksigjenit dhe lejet e zjarrit në spitale. Edhe para pandemisë, Rumania kishte një nga infrastrukturat më pak të zhvilluara të kujdesit shëndetësor të BE-së.
Rumania ka shkallën e dytë më të ulët të vaksinimit në Bashkimin Evropian dhe një nga normat më të larta të vdekshmërisë nga COVID-19 në botë.