Eshtë koha për të pushuar e klubeve, për të luajtur ekipet kombëtare. Shqipëria dhe Anglia përballen sonte në ndeshjen e planifikuar në “Wembley”. Një ndeshje që mund të përballë Kumbullën, mbrojtësin e padiskutueshëm të formacionit të Edy Reja me Tammy Abraham, i cili falë paraqitjeve me Romën ka rifituar një vend në kombëtaren angleze.

Këto janë fjalët e Kumbullës, përcjell “Telegraph”: “Nëse do të luante me Anglinë ndaj nesh, di unë si ndalet. Ai bëri shaka me mua te Roma, para kësaj ndeshjeje, duke më thënë që nëse luan, duhet ta lija të shënonte. I thashë se ishte në rregull, nëse shënon, por falë aftësive të veta. Ai jep gjithçka në stërvitje, e bën gjithmonë këtë, është shumë i fortë”.

Më pas disa fjalë për ecurinë e Shqipërisë: “Kualifikimi do të ishte një ëndërr për të gjithë shqiptarët. Nuk kemi arritur kurrë një objektiv si ky. Kemi 15 pikë tashmë, një rekord, por duam të bëjmë më shumë.

Pas rezultatit të fundit ndaj Polonisë nuk varet vetëm nga ne, por jemi të vetëdijshëm se po rritemi. Jemi një ekip me lojtarë të rinj dhe të tjerë më me përvojë. Nuk do të jetë një ndeshje për të na gjykuar përfundimisht. Jemi të rinj dhe në të ardhmen mund të rritemi akoma si ekip. Natyrisht, do të japim gjithçka ndaj Anglisë”.