SPAK po vijon hetimet ndaj, pas sekuestrimit të 18.5 milionë eurove në një llogari bankare të nivelit të dytë, para që dyshohet se janë pastruar nga mafia italiane.
Sipas SPAK, në skemën kriminale rezulton i përfshirë edhe biznesmeni Rezart Taçi, i shpallur në kërkim, si dhe kunati dhe shoferi i tij, tashmë të arrestuar.
Burime nga institucioni i akuzës bën me dije se hetimet janë në vijim, ku bankave të nivelit të dytë do u kërkohet informacion për të gjitha trasaksione e tjera që këta shtetas mund të kenë bërë vitet në fundit, për të parë nëse janë bërë apo jo komform të gjitha rregullave ligjore, nenvizon Shqip.
Gjithashtu SPAK është duke kryer veprime dhe verifikime në disa llogari bankare që janë në emër të biznesmenit dhe dy njerzërve të tij, tashmë të arrestuar. Pritet që në ditët në vij Artur Balla dhe Bledat Lilo të dalin përpara gjykatës së posaçme për t’u njohur me akuzat e ngritura ndaj tyre, ndërsa në kërkim ndërkombëtar për llogari vijon të mbetet Taçi.
Ditën e djeshme, biznesmeni në një intervistë për “Zona Zero” mohoi akuzat dhe paralajmëroi se do kthej në Shqipëri shumë shpejt për t’u përballur me drejtësinë.
“S’kam hapur llogari personale ku kane kaluar këto para. Jam kontaktuar nga një ekonomist profesionit përmes një miku tim. Disa muaj më nëpërmjet një mikut tim më kontakton dhe më kërkon një favor që t’i hap një llogari në Shqipëri. I thashë shko në Shqipëri dhe hape llogarinë. Këtu fillon dhe mbaron roli im. Nuk e kuptoj se ku është vepra penale. Unë nuk di se ku është produkti i veprës penale.
Personi më është prezantuar nga një mik i imi. Nuk kam asnjë bashkëpunim me një strukturë të organizuar kriminale. Thjesht i kam thënë shko në Shqipëri dhe hap llogarinë. Si mund të organizohen për strukturë kriminale, dy të shoqëruarit nga policia. Nuk ka vepër penale. Jam i shokuar, jam pa fjalë. Më shpallën në kërkim vetëm se dikush më mori në telefon. Kjo është në vazhdën e persekutimit“, tha Rezart Taçi.
I pyetur për rolin e dy shqiptarëve të tjerë të arrestuar nga SPAK, Artur Balla dhe Bledar Lilo, Taçi tha se ata ishin thjesht shoqëruesit e shtetasve italiane në Tiranë për t’i ndihmuar, por që sipas tij nuk kanë kryer asnjë vepër penale, pasi sipas tij nuk janë në pozitat për të ndërhyrë për më shumë.
“Dy zotërinjtë ishin në rolin e shoqëruesit, po çfarë pushteti kanë ata për të kryer një vepër penale, si mundet dikush që shoqëron dikë, cili është roli i tyre, si mundet të akuzohen për bashkëpunim me mafian, për pastrim parash, ata s;kanë mundësi të bëjnë asgjë, se di ku është vepra penale”, tha ai.
Biznesmeni dyshohet se është larguar nga Shqipëria drejt Italisë rreth dy muaj më parë, referuar sistemit TIMS.
