Kreu i grupit parlamentat të PS, Taulant Balla ka “çuar” sot në Kuvend paralajmërimin se do të gjoboten të gjithë ministrat dhe deputetët që nuk mbajnë maskën në sallën e Parlamentit.
Ndërkohë që me ligj në Shqipëri është e detyrueshme mbajtja e maskës në ambiente të mbyllura, gjatë seancave plenare është vënë re shpesh që shumica e deputetëve nuk e kanë mbajtur maskën.
Paralajmërimi i Ballës vjen një ditë pasi ministrja e Shëndetësisë Ogerta Manastirliu tha se do të rishikohen masat kufizuese aktuale dhe zbatueshmëria e tyre.
“Do ju kërkoja zonja kryetare që të gjithë në këtë sallë duhet të mbajmë e të përdorim maskën në rast të kundërt ministrja e Shëndetësisë të sjellë shërbimin përkatës të ngarkuar me ligj për adresimin e kësaj cështje e të gjobiten të parët ministrat pastaj deputetët e të gjithë me radhë“, u shpreh Balla.