Një lajm i orëve të fundit ka tronditur futbollin italian, pasi është bërë e ditur se është arrestuar sot presidenti i një prej klubeve të Serisë A.

Masimo Ferrero është vënë në pranga nga Guardia Di Finanza pas hetimeve të hapura nga Prokuroria në Kalabria rreth marrëveshjeve financiare të biznesmenit italian. Ai hetohet për shkelje financiare mes të cilave edhe deklarimin e falimentit të kompanive që administron.

Sipas informacioneve në mediat italiane, klubi nuk është i përfshirë në shkeljet për të cilat akuzohet presidenti i Sampdorias. Ferrero është transferuar sot menjëherë në burg për masën e arrestit, ndërsa për 5 persona të tjerë është vendosur masa arrest shtëpie.