Sekretari i Përgjithshëm i Partisë Demokratike, Gazment Bardhi, denoncoi ditën e sotme një tjetër shoqërues të ish-kryeministrit Berisha, i cili sipas tij rezulton i dënuar për vrasje.

Përmes një deklarate për media nga ambientet e jashtme të selisë blu, Bardhi u shpreh se Petrit Mustafa, i cili shoqëron ish-kryeministrin është i dënuar me 17-vite burg për vrasje.

“Vetë premtuan transparencë të plotë dhe nxorën gazetarët jashtë. Kanë 1 muaj që kanë premtuar transparencë financiare për Kuvendin e 11 vjetorit dhe sot fshihen. Ne kemi bërë transparencë të plotë të vullnetit të shumicës të anëtrëve të Kryesisë. E mbani mend televizionin e Berishës që fotot e festës të një ditë më parë i shpërndante si foto për Këshillin Kombëtar për t’i ardhur në ndihmë gënjeshtrave të Berishës.

U pa në Njësinë nr. 8 në Tiranë, ku 117 anëtarë partie u shndërruan në 860. Ky është në fakt realiteti, sado të përpiqet Sali Berisha të shfokusojë vëmendjen me banderola dhe adezivë, Sali Berisha është pakicë dhe nuk ka asnjë mundësi që Partia Demokratike të shndërrohet në bunker për familjen e Sali Berishës dhe familjes së tij, si dhe trafikantëve të drogës

Flet për banda të armatosura, vjen në selinë e PD-së me trafikantë të armatosur. Flet për vrasës të ngujuar në selinë e PD-së, ndërkohë që vrasësit shoqërojnë Sali Berishën. Petrit Mustafa është një i dënuar për vrasje me 17-vte burg dhe shoqëron Sali Berishën, nuk shoqëron Lulzim Bashën”, tha Bardh