Presidenti i Parlamentit Evropian, socialdemokrati italian David Sassoli, ka ndërruar jetë gjatë natës së mbrëmshme në vendlindje, në moshën 65-vjeçare. Përfaqësuesi i Presidentit të Parlamentit Evropian, Roberto Cuillo ka bërë të ditur lajmin e trishtë. Sassoli ishte i shtruar në një spital në Aviano-s, të Italisë, aty ku dha dhe frymën e fundit.

Ish-gazetari italian dhe politikani i qendrës së majtë ishte i sëmurë rëndë për më shumë se dy javë. Për shkak të gjendjes së tij shëndetësore, Sassoli anuloi të gjitha aktivitetet zyrtare. Presidenti i PE u shtrua në spital në Itali muajin e kaluar për shkak të një komplikacioni serioz me sistemin e tij imunitar. Në shtator,  Sassoli u dërgua në spital në Strasburg, ku u trajtua për një rast të rëndë të pneumonisë. Ai rifilloi detyrat e tij politike në nëntor.

Pas lajmit të trishtë për ndarjen nga jeta të David Sassolit reagime të shumta ka patur nga figura politike. Presidentja e Komisionit Europian Ursula von der Leyen shprehu ngushëllimet e saj për mikun e dashur dhe për të ishte një humbje e tmershme. Ndërkohë Komisioneri i BE-së Oliver Varhelyi i pikëlluar për humbjen e madhe, e ka cilësuar atë si një mbështetës të vërtetë të politikës së zgjerimit dhe fqinjësisë së BE-së dhe një qenie njerëzore të shkëlqyer.

Reagime ka patur edha nga politikanë të Shqipërisë dhe Kosovës, ku presidenti Ilir Meta, kryemistri Edi Rama, kryeministri i Kosovës Albin Kurti dhe kryedemokrati Lulzim Basha kanë shprehur ngushëllimet e tyre për humbjen e madhe të një mbështetësi të politikës së zgjerimit të Ballkanit Perëndimor dhe integrimit të Shqipërisë.