“Mizoritë e Bucha-s që kemi parë zbulojnë natyrën e vërtetë të luftës së Putin-it. Çdo vrasje e civilëve është një krim i Ukrainës”.

Kështu deklaroi sekretari i përgjithshëm i NATO-s, Jens Stoltenberg, pas mbërritjes në takimin e ministrave të jashtëm të Aleancës.

“Nuk ka asnjë indikacion se Putin-i ka ndryshuar mendjen e tij për qëllimin për të pasur kontroll të plotë të Ukrainës dhe për të rishkruar rendin botëror”, shtoi ai, duke sqaruar se hetimi i krimeve të luftës të kryera në Bucha do të mbështetet.

“Ne duhet të jemi të përgatitur për një konflikt të gjatë dhe të mbështesim Ukrainën”, ishte mesazhi i Stoltenberg.

Masakra e banorëve në Bucha të Ukrainës është ndoshta ngjarja më e përfolur botërisht që prej fillimit të luftës në Ukrainë, ku deri tani janë gjetur 410 trupa civilësh të vrarë (pretendohet nga Ushtria ruse), disa të shtrirë në tokë e me duar të lidhura dhe të tjerë në varre masive.

Nga ana tjetër, Rusia ka mohuar vazhdimisht se ka ndodhur ndonjë masakër në Bucha, duke ofruar shpjegime të ndryshme për imazhet dhe videot që janë shfaqur.

Madje, i ka përshkruar ato si një “provokim të inskenuar”.