Personi që ka mbetur i plagosur nga sherri në një lokal nate në orët e para të mëngjesit në afërsi të rrethrrotullimit të Saukut është 39-vjeçari Shpëtim Metoli, raporton News24.

Policia konfirmoi si ka shkuar në spital për të marrë ndihmë mjekësore, “i plagosur në këmbë, dyshohet me armë zjarri, e ndodhet jashtë rrezikut për jetën”.

Sipas bluve, ky shtetas është konfliktuar me disa persona të tjerë në një lokal në afërsi të rrethrrotullimit të Saukut, dhe në rrethana ende të paqarta ka mbetur i plagosur me armë zjarri në këmbë.

Shërbimet e Policisë kanë shoqëruar deri tani 12 persona dhe vijon puna për tu pyetur në lidhje me ngjarjen. Sherri dyshohet se ka nisur për një vajzë.