Ka ndërruar jetë në një aksident automobilistik në Itali biznesmeni shqiptar nga Durrësi, Lorenc Beqiraj.

Lidhur me ngjarjen e rëndë ka reaguar vetë e fejuara e viktimës Sandra Tampieri nëpërmjet rrjeteve sociale, teksa ka shtuar se pasi ka mësuar për ngjarjen e rëndë ka shkuar të takoj familjen e të fejuarit të saj.

Për tronditjen Sandrà është shoqëruar në spital, ndërsa të dielën ka njoftuar prindërit e 45-vjeçarit. “Do të doja të vdisja edhe unë”, duke kërkuar ndihmë nga miqtë: “Qëndroni pranë meje”.

“I dashuri im vdiq në një aksident me makinë teksa po vinte nga Ravenna në Forli. Ai nuk po më përgjigjej në telefon, mora makinën dhe shkova në Ravegnana. Policia kishte bllokuar rrugën dhe unë nuk kisha një parandjenjë të keqe. Lorenzo im kishte vdekur, njeriu me të cilin kisha jetuar vitin më të bukur të jetës sime, atë që e doja më shumë se veten time. Kur mësova lajmin, më dërguan në spital dhe shkova takova prindërit e tij sepse për mua do të mbeten familja ime e vërtetë”, ka shkruar ndër të tjera Sandra Tampieri.

Mediat italiane raportojne se në rrethana ende të paqarta, humbi kontrollin mbi automjetin e tij tip Alfa Romeo dhe makina doli nga rruga duke u përmbysur. 45-vjeçari humbi jetën në vendngjarje. Sipas shtypit italian, prej 1 viti e gjysmë ai ishte i fejuar me Sandra Tampieri, një personazhe e njohur televizive në shtetin fqinj.