Tre javët e ardhshme do të ‘përcaktojnë rezultatin e luftës’ në Ukrainë, thotë eksperti amerikan i mbrojtjes. Ish-zëvendës ndihmës Sekretari i mbrojtjes për Evropën dhe NATO-n, Michael Ryan, ka folur këtë mëngjes me Kay Burley të Sky News dhe tha se ndërsa rusët kanë “rivlerësuar objektivin e tyre” për t’u fokusuar në Ukrainën lindore, “problemi i tyre madhor” do të ishte nëse ata mund të “riorganizojnë mjaftueshëm forcat luftarake”.

“Tre javët e ardhshme do të jenë vendimtare. Ato do të përcaktojnë rezultatin e luftës,” tha ai.

“Nëse ne në Perëndim mund të intensifikojmë urgjencën në furnizimin e ukrainasve deri në nivelin e linjës ajrore të Berlinit, ukrainasit mund të dalin vërtet nga kjo me një fitore.”

Eksperti amerikan gjithashtu deklaroi se ai besonte që komandanti i ri i rusëve do t’i kthehej “taktikave klasike”, duke përfshirë “sulme masive ajrore dhe artileri te rnde”.

“Do të shkaktojë shumë brutalitet, siç ka parashikuar Presidenti Zelenskyy. Do të duket si Lufta e Dytë Botërore, siç tha ministri i jashtëm ukrainas. Por në fund të ditës rusët do të pësojnë edhe më shumë viktima me këtë qasje.”

Ryan theksoi se “loja e fundit personale e Presidentit Vladimir Putin është të qëndrojë në pushtet”, sepse “ai nuk ka shumë opsione pasi të largohet nga qeveria në Rusi”.