Shkencëtarët po paralajmërojnë botën se shumë shpejt mund të përballen me një virus tjetër.

Bëhet fjalë për virusin Zika, që në vitin 2016 shkaktoi alarm botëror, me mijëra foshnje që lindën me dëmtime në tru, pasi nënat ishin infektuar gjatë shtatzënisë. Nëse një grua preket nga Zika ndërkohë që po pret fëmijë, mund të dëmtohet zhvillimi i bebit, duke shkaktuar mikrocefali (kokë e vogël) dhe dëmtim të trurit.

Zika përhapet nga pickimi i mushkonjave Aedes, që gjenden në Azi dhe kontinentin amerikan, përveçse në zonat ku është shumë ftohtë.

Shkencëtarët amerikanë thonë se një mutacion i vetëm i virusit është i mjaftueshëm për t’u shpërndarë në të gjithë botën.