Al Pacino ka nisur një romancë me Noor Alfallah, e cila është 53 vjet më e vogël se aktori.

Çifti u panë së bashku duke shijuar një darkë në Los Angeles rreth një javë më parë dhe tani kanë dalë detaje të reja nga marrëdhëia e tyre.

Burime për Page Six, treguan se aktori dhe 28-vjeçarja, të shumëkomentuar për diferencën në moshë, kanë nisur lidhjen gjatë pandemisë.

“Diferenca në moshës mes tyre s’është problem”, shtoi burimi, pavarësisht faktit se Al Pacino është më i madh se babai i Noor. “Ajo shoqërohet kryesisht me burra të moshuar që janë shumë të pasur.”

Kjo nuk është hera e parë që Noor është lidhur me një personazh të famshëm.

Noor Alfallah nisi një romancë me këngëtarin e Rolling Stones, Mick Jagger në vitin 2017, kur rockeri ishte 74 vjeç dhe ajo vetëm 22-vjeçe.

Pas përfundimit të lidhjes së tyre, ajo foli për diferencë në moshë mes tyre dhe komentet e njerëzve.

“Mosha s’ka rëndësi për mua”, rrëfeu për “Hello”. “Zemra nuk di çfarë sheh, por çfarë ndjen. Ishte lidhja e parë serioze për mua dhe kalova një periudhë të bukur me të.”

Pasi rrugët e saj dhe Mick u ndanë, Noor u lidh me regjisorin dhe aktorin Clint Eastwood, 91 vjeç, në vitin 2019, megjithatë, ajo këmbënguli se dyshja ishin thjesht miq të familjes.

Gjithashtu pati një lidhje me filantropin miliarder Nicolas Berggruen, tani 60 vjeç, në vitin 2018. Ndërsa u pa duke shijuar disa takime me drejtorin e Hostel, Eli Roth, 49 vjeç, po atë vit.