Ambientalisti Sazan Guri ka vetëshpallur kandidaturën për të qenë kreu i shtetit pasi mandatit të presidentit Ilir Meta, po i vjen fundit.

Në një intervistë të dhënë për emisionin “N’kohë”, Sazan Guri ka disa “piketa” për punën që do të bëjë nëse merr detyrën që kërkon të marrë. Por ka bërë disa deklarata të forta, duke e nxjerrë edhe Krishtin me origjinë shqiptare.

“Si president, do të krijoj marrëdhënie të shkëlqyera me kryeministrin sepse modeli i bashkpunimit mes institucioneve duhet të jetë i lartë. Do të rris vlerat e Shqiprisë. Do të krijoj profeci për të vlerësuar veten, si e bënë Grekët? Pra të krijosh besim. Që Krishti është me plisë këtë nuk e pikturova unë. Por kjo mund të jetë një lidhje e Krishtit me Ilirët. Por mirë bënë sepse pas këtij argumenti janë edhe 99 të tjera,”-tha ai.

Që kur vetëshpalli kandidaturën e tij, Guri ka bërë deklarata të shumta. Madje më parë, sipas Gurit, një president apo një pozicion i lartë shtetëror varet shumë jo nga arsimi, por nga ADN e brendshme, që sipas tij, ai e ka.