Nga Anna Cooban, CNN
Pothuajse tre herë më shumë milionerë rusë pritet të largohen nga vendi këtë vit sesa në 2019, një vit para pandemisë, sipas një raporti nga Henley & Partners.
Ndërsa sanksionet perëndimore e kanë bërë më të vështirë jetën për elitën ruse, vendi parashikohet të pësojë një humbje prej rreth 15,000 individësh me vlerë të lartë neto (HNWIs) – të përcaktuar si njerëz me më shumë se 1 milion dollarë në asete në 2022, në krahasim me 5,500 në 2019, sipas raportit.
Kjo është e barabartë me rreth 15% të popullsisë milionere të Rusisë.
Andrew Amoils, kreu i kërkimit në kompaninë analitike New World Wealth, tha se Rusia “po humbet në mënyrë të pakontrollueshme milionerët”. Zëdhënësi i Kremlinit Dmitry Peskov e hodhi poshtë raportin në një telefonatë me gazetarët të martën, duke thënë se qeveria ruse nuk kishte “vënë re një trend” të largimit të milionerëve nga vendi, raporton abcnews.al.
Shkalla e migracionit midis të pasurve dhe të fuqishmëve të Rusisë ra ndjeshëm në 2020 dhe 2021 për shkak të Covid-19. Por trendi i largimit të njerëzve të pasur nga vendi në dekadën para pandemisë ka rifilluar dhe tani po përshpejtohet pas pushtimit rus të Ukrainës në shkurt.
Ekonomia e Rusisë pritet të tkurret me rreth 8.5% këtë vit, sipas Fondit Monetar Ndërkombëtar.
Perëndimi ka vendosur saksione të njëpasnjëshme ndëshkuese ndaj Moskës, duke përfshirë përjashtimin e disa bankave ruse nga SWIFT, rrjeti global i pagesave dhe ngrirjen e rreth gjysmës së rezervave ndërkombëtare të vendit.
Eksodi i milionerëve të këtij viti pritet të jetë më shumë se nëntë herë se i vitit 2021, sipas të dhënave nga Henley & Partners.
“Para vendosjes së sanksioneve, pati një cunami të kapitalit që po investohej në vende të tjera, i nxitur kryesisht nga stili qeverisës gjithnjë e më kapriçioz i Presidentit Vladimir Putin dhe kërkesat e tij për besnikëri të bëra ndaj rusëve të klasës së mesme dhe të pasur,” Misha Glenny. një autor dhe gazetar.
Këtë vit, shumica e rusëve emigrues pritet të shpërngulen në vendet në Europën Jugore. Por Emiratet e Bashkuara Arabe po bëhen me shpejtësi gjithnjë e më tërheqëse për të milionerët e vendit, pjesërisht, për shkak të taksave zero.
Emiratet e Bashkuara Arabe parashikohet të kalojnë Shtetet e Bashkuara dhe Mbretërinë e Bashkuar si destinacioni kryesor për milionerët këtë vit. Henley & Partners parashikon se vendi do të mirëpresë 4,000 milionerë deri në fund të vitit, në krahasim me rreth 1,000 çdo vit përpara pandemisë.
Popullsia globale e HNWI-ve u rrit me gati 8% vitin e kaluar, sipas hulumtimit nga Capgemini, një konsulencë teknologjike, e cila përdor të njëjtin prag prej 1 milion dollarësh si Henley & Partners.
