Zëvendëskryeministri i Malit të Zi, Dritan Abazoviç këtë të shtunë është emëruar në krye të , Byrosë për Koordinimin Operacional.
Mediat vendase bëjnë me dije se byroja do të jetë e ngarkuar për ekzekutimin dhe zbatimin e konkluzioneve të Këshillit të Sigurimit Kombëtar.
Sipas mediave, ai organ, i cili do të jetë përgjegjës për përcaktimin e detyrave të sektorit të inteligjencës dhe koordinimin e aktiviteteve të organeve, u formua gjatë takimit të Këshillit të Sigurisë Kombëtare.
Abazoviç, i cili është gjithashtu koordinator i shërbimeve të sigurisë, mori mbështetjen e pothuajse të gjithë përbërjes së Këshillit.
Mali i Zi mori një organ të tillë për herë të parë ndërsa anëtarë janë drejtorët e Agjencisë së Sigurisë Kombëtare dhe Drejtorisë së Policisë, Drejtoria për Parandalimin e Pastrimit të Parave dhe Financimit të Terrorizmit, Shefat e Shtabit të Përgjithshëm të Ushtrisë së Malit të Zi, Departamenti i Inteligjencës Ushtarake dhe Çështjeve të Sigurisë. Siguria dhe Drejtori i Përgjithshëm i Drejtorisë për Mbrojtjen dhe Mbikëqyrjen e Sigurisë të Ministrisë së Brendshme.
