Në orët e vona të ditës së djeshme dhe mëngjesin e sotëm, janë luajtur edhe dy ndeshjet e para çerekfinale të “Copa America”, duke mësuar edhe emrat e parë të gjysmëfinalistëve të këtij eventi, i cili po zhvillohet në Brazil, pa praninë e tifozëve për shkak të pandemisë dhe shkallës së lartë të infeksionit në këtë zone të botës.

Peru-Paraguaji 3-3 (4-3p)

Peruja është gjysmëfinalisja e parë e “Copa America”, pasi mundi me penallti në çerekfinale, skuadrën e Paraguajit. Protagonisti i ndeshjes ishte sulmuesi Gianluca Lapadula i Beneventos, i cili shënoi një gol në pjesën e parë të ndeshjes që u mbyll me rezultatit 3-3 dhe me dy lojtarë të ndëshkuar me karton të kuq, nga për çdo skuadër. Koha shtesë e lojës nuk e ndryshoi rezultatit, kështu që u kaluar te penalltitë, ku peruanët gabuan dy herë, ndërsa paraguajanët tri herë. Kësisoj, me rezultatin e përgjithshëm 7-6, Peruja bëhet edhe gjysmëfinalisja e parë e “Copa America”.

Brazili-Kili 1-0

Brazili është skuadra e dytë, që ka kaluar në gjysmëfinalet e “Copa America”. Ajo eliminoi me rezultatin e ngushtë 1-0 skuadrën e Kilit. Me fillimin e pjesës së dytë, në minutën e 46-të, Lucas Paqueta realizoi edhe golin e vetëm të ndeshjes, i cili i mjaftoi “seleçaos” të siguronte kalimin për më tej dhe të eliminonte Kilin. Në vijim, në gjysmëfinale, Brazili do të ndeshet me Perunë.

Ndërkohë, sonte dhe nesër në mëngjes do të luhen edhe dy ndeshjet e tjera çerekfinale: Uruguaji-Kolumbi dhe Argjentinë-Ekuador, në përfundim të cilave do të mësohet edhe çifti tjetër gjysmëfinalist i “Copa America”.