Kryeministri Edi Rama ka vendosur të mbledhë grupin parlamentar të Partisë Socialiste në selinë rozë. Mësohet se vetëm tre ditë para kthimit në Parlament për të nisur legjislaturën e re, kryeministri ka vendosur të zhvillojë mbledhjen e radhës me socialistët.
Mbledhja ka nisur në orën 08:00 të mëngjesit të sotëm dhe në fokus janë bisedat për legjislaturën e re. Nuk dihen ende detaje nga ky takim që po zhvillohet një javë pasi Kryesocialisti bëri rokadë në ekipin e tij.
Rama ka mbledhur edhe sekretariatin e ri të Partisë Socialiste. Bëhet me dije se takimi është thirrur nga Kryeministri, por ende nuk ka detaje se çfarë është diskutuar.
Ky është takimi i parë i Ramës me sekretariatin e ri të Partisë Socialiste, që u zgjodh prej tij në datën 2 Shtator gjatë Asamblesë të kësaj force politike.
Kujtojmë se Damian Gjiknuri është zgjedhur Sekretar i Përgjithshëm i Partisë Socialiste dhe kreu i PS i ka lënë atij 100 ditë kohë për të ristrukturuar partinë.
Takimi e kreut të qeverisë me sekretariatin e ri vjen pak ditë para nisjes së legjislaturës së re në Kuvendin e Shqipërisë.
