Këngëtarja e njohur, Fifi është një nga personazhet më të komentuar të momentit. Që prej pjesëmarrjes në “Big Brother VIP”, ajo është paragjykuar gjatë nga publiku.

Së fundmi, Fifi ka reaguar rreth komenteve negative në rrjetet sociale. Ajo i referohet një statusi në Twitter ku shkruhet “Nuk ishte tërmet, u rrëzua Fifi”. Kjo batutë ka lindur në momentin kur artisja humbi ndjenjat në “Big Brother VIP”.

Fifi është revoltuar dhe ka shkruar se prej vitesh është hasur me të tilla komente, pasi si ajo bullizohen dhe shumë femra të tjera.

“Dhe ja pra miq të dashur kemi edhe kështu lloj njerëzish akoma, ja pra miq të dashur 27 vjet unë i kam kaluar me njerëz të tillë nëpër këmbë, por si puna ime, sa janë? Pastaj mund të thoni që Fifi ka probleme? Ka Fifi apo njerëzit me Fifin? Po si mua sa njerëz të tjerë bullizohen në ditë? Si puna ime sa femra të tjera përqeshen e nëpërkëmben? Sa njerëz të tjerë plasin e munden e ti bëjnë dëm vetes? Marre, marre, marre! Ndërkohë ty dhe shumë të tjerëve jau kam lënë Zotin o njerëz pa njerëzi”.