Shefi i spiunazhit rus ka paralajmëruar se fati i vendit do të vendoset në ditët në vijim. Kreu i agjencisë ruse të inteligjencës, Sergei Naryshkin,  tha në një panel në Moskë se “Rusia po përjeton një moment vërtet historik”.

“Fati i Rusisë po vendoset, pozicioni i saj i ardhshëm në botë”, tha Naryshkin, i cili drejton SVR.

Fjalimi i shefit të spiunazhit u fokusua në rëndësinë e sovranitetit. Ai u tha delegatëve: “Sovraniteti është garanci e mirëqenies dhe dinjitetit të qytetarëve tanë, kjo është e ardhmja e fëmijëve tanë. Në çështje të tilla, Rusia kurrë nuk është tërhequr dhe nuk do të tërhiqet, sepse përndryshe do të pushojë së qeni Rusi”.