Brazili merr renditjen botërore të FIFA-s, duke kaluar kështu Belgjikën, e cila ishte në krye për 40 muaj, që nga Nëntori i vitit 2018 dhe në vendin e tretë qëndron Franca.

Italia edhe pse zhgënjeu në kualifikueset e Botërorit, nuk ndryshon renditje duke qëndruar në vendin e 6, ndërsa Spanja që mundi Shqipërinë në vendin e 7.

Për sa i përket Kombëtares tonë, kuqezinjtë kanë humbur një pozicion pas humbjes me Spanjën dhe barazimit me Gjeorgjinë, duke u renditur në vendin e 66.

Kosova nga ana tjetër, është ngjitur me dy pozicione, pas fitores me Burkina Fason dhe barazimit me Zvicrën duke shkuar në vendin e 107.

Rivalët e Shqipërisë në Ligën e Kombeve gjithashtu nuk kanë marrë një renditje pozitive, me Rusinë që ka rënë në vendin e 36, Islanda vetë, 3 vende sipër kuqezinjve, në të 63, ndërsa Izraeli në të 76.