Anxhela Peristeri është një ndër këngëtaret më të dashura të publikut jo vetëm për këngët, por edhe për thjeshtësinë dhe sinqeritetin që e karakterizon.

Në një intervistë të fundit, e pyetur se kë preferon më shumë mes Semi Jaupaj dhe Beatrix Ramosaj, ajo nuk ka ngurruar të përgjigjet, edhe pse tha se i vlerëson shumë të dyja.

Artistja tha se i pëlqen që të dëgjojë më shumë Semin, duke u shprehur se meriton një karrierë shumë më të madhe.

“Më ka pëlqyer gjithmonë Semi Jaupaj, një zë shumë i mirë që meriton të bëjë një karrierë shumë më të madhe. Trixa është një tjetër bukuri e rrallë që këndon. Ka shkëlqyer në “Your face sounds familiar” atëherë. Janë dy këngëtare që janë të dyja shumë të mira, por në momentin që jemi do më pëlqente të zgjedhja Semin”– u shpreh ajo.