Hyrja e  Laureta Zybës në “Për’puthen” mori një vëmendje të madhe dhe ëri shumë bujë. Kjo për shkak se në media u përfol rreth të shkuarës së saj të errët. Gjithashtu ajo është edhe motra e njërës prej vajzave që ishte si konkurrente në program.

Laureta një ditë më parë ka qenë e ftuar në emisionin “Shqipëria Live” ku ka zbuluar detaje të tjera nga kjo e kaluar e shumëpërfolur.  Ish-konkurrentja e “Për’puthen” pranoi se ka qenë në burg për një periudhë të shkurtër, më pak se një muaj.

Ajo zbuloi se shkak i arrestimit ishte partneri i saj asokohe, i cili sipas saj ishte shtetas malazez, ndërsa kur u pyet nëse personi në fjalë është Vali Corleone, ajo tregoi se fotot që qarkullojnë janë montaze dhe se nuk është ai.

“Kam qenë në burg dhe është një periudhë që është shumë e tmerrshme për mua, më keq nga sa njerëzit e flasin apo e përshkruajnë. (Pyetje) Je arrestuar për vrasje dhe prostitucion? Po. Të them të vërtetën kam qenë shumë e vetëdijshme kur jam futur në atë emision sepse historia që më ka ndodhur është bërë bujë. Nuk e kam pasur shansin të them të vërtetën.

Kam pasur një djalë që ka pasur të bëjë me shtetin, ka qenë i dashuri im. Kemi qenë bashkë 8 muaj, në burg nuk kam qëndruar as një muaj. Akuzat ishin të tilla. Nuk ka qenë për prostitucion, ai ka pasur gjërat e veta brenda shtetit të vet, malazez ka qenë. Deri në momentin e arrestimit e kam njohur si kroat. Nuk është Vali Korelone, janë montazhe”, tregoi ajo në “Shqipëria Live.”

Ndërkohë kujtojmë se disa muaj më parë, u raportua nga mediat kosovare se ish-konkurrentja është arrestuar në moshën 23-vjeçare si bashkëpunëtore me një grup kriminal.

Ajo u vendos në pranga në një operacion policor në vitin 2018 së bashku me tre persona të tjerë, dy shtetas malazezë të cilët ishin shpallur në kërkim ndërkombëtar për vrasje dhe një shtetas serb.

Ndër të tjera u tha se Laureta Zyba punonte si striptiste në klube nate dhe ishte shoqe e stripties tjetër të njohur kosovare, Donjeta Kosumi, e njohur me pseudonimin Kallashi.

Por gjatë intervistës Laureta foli edhe për momentet e saj të bukura në emision, duke veçuar takimet që ka pasur me Melikun dhe Samuel Ceribashin.

“Kur jam futur kam pasur një pëlqim për Melikun më shumë, kisha filluar një kominikim të vazhdueshëm për një lidhje. Pastaj do ta veçoj Samuelin si djalë, sepse në kohën kur kanë ardhur situatat që më kanë prekur ndoshta edhe aty ku s’duhet, ka qenë mbështetje vazhdimisht.”- tha Laureta.