Personat që kanë përfunduar vaksinimin e tyre kanë më pak të ngjarë që të infektohen nga pandemia, apo të zhvillojnë një formë të rëndë të infeksionit dhe të përhapin virusin tek të tjerët. Kjo do të thotë që gradualisht këta njerëz mund të fillojnë t’i rifillojnë jetën e tyre normale. Mjekët grekë: Theodora Psaltopoulou, Panos Malandrakis, Giannis Danasis dhe Thanos Dimopoulos (Rektor i EKPA) u përgjigjën pyetjeve më të zakonshme që kanë lindur nga individë të vaksinuar.
Si përcaktohet vaksinimi i plotë?
Mbrojtja maksimale e vaksinës arrihet pas dy javësh. Këto të dhëna vlejnë për njerëz të shëndetshëm, pasi dikush me një sistem imunitar të ndikuar duhet të konsultohet me mjekun e familjen.
A duhet të mbaj maskë jashtë?
Kur një person ka përfunduar procesin e vaksinimit, atëherë ekspertët e konsiderojnë të sigurtë mosmbajtjen e maskës në ambientet jashtë. Sidoqoftë, do të ishte mirë të mbani maskë.
Po për ambientet e mbyllura?
Në ambiente të mbyllura përdorimi i maskës mund të mos përdoret me individë plotësisht të vaksinuar. Për njerëzit me rrezik të lartë, këshillohet që gjithmonë të mbajnë maskë kur shoqërohen me njerëz që nuk janë plotësisht të vaksinuar. Gjithashtu, përdorimi i maskës rekomandohet në rastet e mëposhtme:
– Hapësira të brendshme publike, si aeroporte, dyqane, spitale, supermarkete
– Takime me njerëz të pavaksinuar nga familje të ndryshme
– Transport publik
A është e sigurt të udhëtosh?
Teorikisht, njerëzit plotësisht të vaksinuar janë të sigurt që të udhëtojnë brenda vendit pa testuar ose karantinuar gjatë kthimit të tyre. Sidoqoftë, është e rëndësishme të merren masa paraprake kur udhëtoni, të tilla si mbajtja e distancës, mbajtja e maskës dhe higjiena e duhur dhe larja e shpeshtë e duarve. Kur bëhet fjalë për të udhëtuar jashtë vendit, në varësi të destinacionit, individi duhet të kontrollojë nëse kërkohet një çertifikatë vaksinimi ose karantinë.
Çfarë të bëj nëse bie në kontakt me një rast pozitiv të konfirmuar?
Nëse jeni vaksinuar plotësisht ka shumë më pak të ngjarë t’ju kapë virusin, por ekspertët rekomandojnë monitorimin e simptomave.