Një yll që në fëmijëri, i njohur si King of Latin Pop, Ricky Martin shfaqet në një intervistë për revistën ‘People’, me disa të pathëna.

Kohët e fundit, këngëtari është duke menduar më tepër për një tjetër anë të karrierës së tij, për aktrimin. Për 25 vite ai ka qenë imazh për shumë marka të njohura, si dhe pjesëmarrës në disa kaste filmike, ku më i rëndësishmi ka qenë ‘General Hospital’, ku ka luajtur si banakieri Miguel Morez.

Por kjo periudhë nuk paska qenë dhe aq e këndshme për Ricky Martin, pavarsisht pasionit të tij për aktrim.

“Unë e dua aktrimin”, thotë ai. “Jam duke pritur për ato skenare. Unë mund të luaj një homoseksual, mund të luaj një heteroseksual, mund të luaj një vrasës serial. Unë jam gati. Thjesht ma jepni një të tillë, kam kohë që e presë.”

“Dua të shfrytëzoj çdo gjë që ka të bëjë me aktrimin. E dua teatrin,” thotë Martin. “Unë dua të tregoj një histori. Kjo është ajo që dua. Dua të tregoj një histori të rëndësishme dhe dua të ndryshoj mënyrën se si njerëzit e shohin jetën në përgjithësi, drejt një mënyre më optimiste.”

“Nuk e di nëse nuk po marr pjesë sepse jam homoseksual,” vazhdon si. “Por nëse është kështu, është vërtet e trishtueshme. Unë do të vazhdoj të punoj derisa gjërat të ndryshojnë.”