Gjesti i Kristiano Ronaldo i cili hoqi dy shishe Coca-Cola nga tavolina e tij në konferencën për shtyp prag ndeshjes me Hungarinë bëri xhiron e botës.
Ky veprim i yllit të Juventusit i ka kushtuar miliona para kompanisë amerikane, raporton “The Guardian”. Mendohet se vlera e ‘Coca-Cola-s’ ra rreth 4 miliardë dollarë menjëherë pas gjestit të futbollistit.
Kapiteni i Portugalisë është një mbështetës i jashtëzakonshëm i jetës së shëndetshme dhe nuk është adhurues i pijeve me gaz si ‘Coca-Cola’.
Cristiano Ronaldo’s removal of two Coca-Cola bottles during a #Euro2020 press conference has coincided with a $4bn fall in the company’s value https://t.co/Z0u02ZFqJW https://t.co/q4uaaYvt3O
— Guardian sport (@guardian_sport) June 16, 2021
Aksionet e ‘Coca-Cola’ ranë nga 56.10 dollarë në 55.22 dollarë pothuajse menjëherë pas gjestit të Ronaldos, që do të thotë se vlera e kompanisë ra nga 242 miliardë dollarë në 238 miliardë dollarë.
‘Coca-Cola’, një nga sponsorët zyrtarë të “Euro 2020”, u përgjigj të martën me një deklaratë që tha se “të gjithë kanë të drejtë për preferencat e tyre të pijeve” me “shije dhe nevoja” të ndryshme.
Një zëdhënës i “Euros” tha: “Lojtarëve u ofrohet ujë, së bashku me ‘Coca-Cola’ dhe ‘Coca-Cola Zero Sugar’, pas mbërritjes në konferencat tona për shtyp”.
Por kjo nuk është hera e parë që Ronaldo flet kundër pijeve të gazuara, pasi ai ka treguar edhe më parë që përpiqet të shmangë konsumimin e tyre në familje.
