Historia përsërit vetveten dhe prova më e mirë e këtij postulati ishte kualifikimi historik i Danimarkës për në gjysmëfinalen e Euro 2020 pas fitores ndaj Çekisë me rezultatin 2-1.

Danezët shkojnë për herë të parë kaq larg, që prej vitit 1992, kur e fituan këtë trofe. E përbashkëta është se në të dyja rastet në portë kanë pasur portierin Schmeichel.

Fiks fiks jo të njëjtin person, por nga e njëjta familje. Në 1992, Danimarka, që nuk ishte kualifikuar në ato finale, por hyri pasi përjashtimit të ish-Jugosllavisë për shkak të luftërave në Ballkan, në portë kishte legjendarin Peter Schemiechel.

Sot, danezët janë në portë me Kasperin, djalin e Peter, i tërhequr nga futbolli prej vitesh tashmë. A do të përsërisë Kasper suksesin e babait? Përgjigja është vetëm dy ndeshje larg.