Policia e Tiranës është njoftuar për një çantë të braktisur në Rrugën “Mustafa Matohiti” në kryeqytet, e cila ka ngritur shqetësimin se mund të ketë sende të rrezikshme.
Mësohet se forcat e policisë të mbërritura në vendngjarje pas informacionit të marrë, kanë rrethuar vendin ku ndodhet çanta.
Në një informacion paraprak, Policia e Tiranës tha se paraprakisht dyshohet që ajo të jetë një çantë e braktisur.
Ndërkohë që pritet ndërhyrja e Njësisë Antieksploziv për të vlerësuar situatën dhe për të bërë një shpërthim të kontrolluar.
Çanta e dyshimtë raportohet se ndodhet përballë ambasadës Iraniane dhe Pallatit ku jeton ish-kryeministri Sali Berisha.
Mirëpo e gjitha rezultoi false pasi brenda saj kishte vetëm sende personale.
Çanta e cila mbajti nën ankth për 1 orë policinë dhe banorët e zonës kishte brenda veshje, mbeturina, karikues dhe atlete. Nuk dihet se kush mund ta ketë harruar çantën në atë zonë mirëpo për disa minutua vuri në lëvizje forcat e policisë.
